Námskeiðið er hannað fyrir einstaklinga sem hafa nýlega gengist undir efnaskiptaaðgerð (fyrir meira en 6 mánuðum) og vilja rifja upp og vinna nánar með lífstílsbreytingarnar, fá stuðning og hvatningu í hóp auk þess að fá fræðslu um ýmislegt sem tengist þessum breytta lífsstíl.  

Námskeið er 3 skipti, 1,5 – 2 klst í senn. Farið verður yfir helstu áherslur sem einstaklingar þurfa að tileinka sér eftir magaermi, mini-hjáveitu og/eða hefðbundna hjáveitu.

Við leggjum áherslu á að hér verði hægt að spjalla saman, deila reynslu og þekkingu að vild.

Bríet og Rut hjúkrunarfræðingar og Dagný næringarfræðingur ræða á þessu námskeiði um mataræði, hreyfingu og áskoranir sem því fylgja að hafa farið í efnaskiptaaðgerð og hvernig megi auka vellíðan og lífsgleði á þessari vegferð.